గమ్యం చేరాలని నీతో ఉండాలని పగలూ రేయి పరవశించాలని

ప: గమ్యం చేరాలని నీతో ఉండాలని పగలూ రేయి పరవశించాలని

ఈ నింగి నేలా కనుమరుగైనా శాశ్వత జీవం పొందాలని
సాగిపోతున్నాను నిన్ను చూడాలని
నిరీక్షిస్తున్నాను నిన్ను చేరాలని                                (2)    ||గమ్యం ||

చ: భువి అంతా తిరిగి జగమంతా నడచి నీ జ్ఞానముకు స్పందించాలని

నాకున్నవన్ని సమస్తం వెచ్చించి నీ ప్రేమ ఎంతో కొలవాలని
అది ఎంత ఎత్తున ఉందో – అది ఎంత లోతున ఉందో
అది ఏ రూపంలో ఉందో – అది ఏ మాటల్లో ఉందో                      ||సాగి||

చ:  అలలెన్నో రేగినా శ్రమలెన్నో వచ్చినా శిరమును వంచి సహించాలని

     వేదన బాధలు గుండెను పిండినా నీదు సిలువనే మోయాలని

     నా గుండె కోవెలలోనా – నిన్నే నే ప్రతిష్టించి
     నీ సేవలోనే ఇలలో – నా తుది శ్వాసను విడవాలని                   ||సాగి||