దుర్దినములు రాకముందే – సర్వం కోల్పోకముందే

ప: దుర్దినములు రాకముందే – సర్వం కోల్పోకముందే
    అంధత్వం కమ్మకముందే – ఉగ్రత దిగిరాకముందే                            (2)
    స్మరియించు రక్షకుని అనుకూల సమయమున
    చేర్చుకో యేసుని ఆలస్యం చేయక                                    (2) ||దుర్ది||

చ: సాగిపోయిన నీడవంటి జీవితం అల్పమైనది నీటి బుడగ వంటిది      (2)
     తెరచి ఉంది తీర్పు ద్వారం మార్పులేని వారికోసం                           (2)
     పాతాళ వేదనలు తప్పించుకొనలేవు
     ఆ ఘోర బాధలు వర్ణింపజాలవు                                    (2)   ||దుర్ది||

చ: రత్నరాసులేవి నీతో కూడ రావు
    మృతమైన నీ దేహం పనికిరాదు దేనికి (2)
    యేసు క్రీస్తు ప్రభువు నందే ఉంది నీకు రక్షణ (2)
    తొలగించు భ్రమలన్ని కనుగొనుము సత్యాన్ని
    విశ్వసించు యేసుని విడిచిపెట్టు పాపాన్ని (2)       ||దుర్ది||