నీ ధనము నీ ఘనము ప్రభు యేసుదే

ప: నీ ధనము నీ ఘనము ప్రభు యేసుదే
    నీ దశమా భాగమునీయ వెనుదీతువా – వెనుదీతువా     ||నీ ధనము||

చ: ధరలోన ధన ధాన్యముల నీయగా కరుణించి కాపాడి రక్షింపగా    (2)
    పరలోక నాధుండు నీకీయగా
    మరి యేసు కొరకీయ వెనుదీతువా                              ||నీ ధనము||

చ: పాడిపంటలు ప్రభువు నీకీయగా

కూడు గుడ్డలు నీకు దయచేయగా                                            (2)
వేడంగ ప్రభు యేసు నామంబును
గడువేల ప్రభుకీయ నో క్రైస్తవా                            ||నీ ధనము||

చ: వెలుగు నీడలు గాలి వర్షంబులు

కలిగించె ప్రభు నీకు ఉచితంబుగా                                             (2)
వెలిగించ ధర పైని ప్రభు నామము
కలిమి కొలది ప్రభున కర్పింపవా                                 ||నీ ధనము||

చ: కలిగించె సకలంబు సమృద్దిగా

తొలగించె పలుభాధ భరితంబులు                                           (2)
బలియాయె నీ పాపముల కేసువే
చెలువంగ ప్రభుకీయ చింతింతువా                              ||నీ ధనము||